Nýliðalottóið: Wizards fá fyrsta valrétt

Washington Wizards unnu nýliðalottóið óvænt í NBA-deildinni í gær en þeir lentu í fjórtánda sæti Austurdeildarinnar í vetur.

Búist var við að New Jersey Nets myndu vinna fyrsta réttinn en þeir lentu í allra síðasta sæti deildarinnar með vinningstöluna 12/70.

Wizards munu því líklega velja bakvörðinn John Wall en hann spilaði fyrir Kentucky-háskólann og skoraði 16,5 stig, gaf 6,5 stoðsendingar og tók 4,3 fráköst að meðaltali í leik á tímabilinu.

Spá um fyrstu 14 völin (www.nbadraft.net):

1. Wizards: John Wall
2. 76ers: Evan Turner
3. Nets: Derrick Favors
4. Timberwolves: Wes Johnson
5. Kings: DeMarcus Cousins
6. Warriors: Al-Faroug Aminu
7. Pistons: Greg Monroe
8. Clippers: Patrick Patterson
9. Jazz: Cole Aldrich
10. Pacers: Xavier Henry
11. Hornets: Donatas Motiejunas
12. Grizzlies: Avery Bradley 
13. Raptors: Ed Davis
14. Rockets: Hassan Whiteside
Öll spáin

Pierce setti 28 - Celtics komnir í 0-2

Boston Celtics eru komnir í þægilega stöðu í einvígi þeirra gegn Orlando Magic eftir annan sigurinn í röð á heimavelli Magic.

Paul Pierce skoraði 28 stig fyrir Celtics og var stigahæstur hjá þeim en Dwight Howard átti góðan sóknarleik í nótt þar sem hann skoraði 30 stig og tók 8 fráköst.

Stigaskor Magic:

Howard: 30
Carter: 16
Redick: 16
Nelson: 9
Barnes: 6
Lewis: 5
Pietrus: 5
Williams: 3
Gortat: 2

Stigaskor Celtics:

Pierce: 28
Rondo: 25
Garnett: 10
Perkins: 10
Davis: 8
Wallace: 6
Allen: 4
Allen: 4

Leikjadagskrá í undanúrslitum NBA-deildarinnar

Los Angeles Lakers-Phoenix Suns

1. Mánudagur, 17. maí 2010, Staples Center
2. Miðvikudagur, 19. maí 2010, Staples Center
3. Sunnudagur, 23. maí 2010, U.S. Airways Center
4. Þriðjudagur, 25. maí 2010, U.S. Airways Center
5. Fimmtudagur, 27. maí 2010, Staple Center - Ef til þarf
6. Laugardagur, 29. maí 2010, U.S. Airways Center - Ef til þarf
7. Mánudagur, 31. maí 2010, Staple Center - Ef til þarf

Orlando Magic-Boston Celtics

1. Sunnudagur, 16. maí 2010, Amway Arena
2. Þriðjudagur, 18. maí 2010, Amway Arena
3. Laugardagur, 22. maí 2010, Boston Garden
4. Mánudagur, 24. maí 2010, Boston Garden
5. Miðvikudagur, 26. maí 2010, Amway Arena
6. Föstudagur, 28. maí 2010, Boston Garden
7. Sunnudagur, 30. maí 2010, Amway Arena

Heimavellir

Los Angeles Lakers:Staples Center
Phoenix Suns: U.S. Airway Center
Orlando Magic: Amway Arena
Boston Celtics: Boston Garden

Tvífarar: Steve Nash og Graham Alexander

Kobe setti 40 - Lakers komnir í 1-0

Kobe Bryant skoraði 40 stig, tók 5 fráköst og gaf 5 stoðsendingar í nótt þegar Los Angeles Lakers unnu fyrsta leikinn í seríu Lakers og Phoenix Suns, 128-107.

Lakers eru því komnir í 1-0 forystu í seríunni og þurfa að vinna þrjá leiki í viðbót til þess að fara í lokaúrslit deildarinnar en næsti leikur er í Los Angeles, eins og þessi, svo fara tveir leikir fram í Phoenix og svo er einn og einn heimaleikur ef til þarf.

Eins og fyrr segir var Kobe Bryant með 40 stig, en bekkur Lakers var hörku góður, en Lamar Odom skilaði 19 stigum, Jordan Farmar 10 og Shannon Brown 9.

Phoenix-liðið var frekar dauft í dálkinn en Amare Stoudemire var stigahæstur hjá  þeim. Hann skoraði 23 stig en tók einungis þrjú fráköst.

Stigaskor Lakers:

Bryant: 40
Gasol: 21
Odom: 19
Artest: 14
Farmar: 10
Brown: 9
Fisher: 5
Bynum: 4
Powell: 2
Walton: 2

Stigaskor Suns:

Stoudemire: 23
Richardson: 15
Lopez: 14
Nash: 13
Dragic: 13
Barbosa: 11
Hill: 7
Dudley: 5
Frye: 3
Amundson: 3

Celtics unnu Magic - Wallace er mættur aftur!

Boston Celtics heimsóttu Orlando Magic í gærkvöldi og það voru Boston-menn sem höfðu betur, 88-92.

Kendrick Perkins, Rasheed Wallace og Glen Davis héldu Dwight Howard í gólfinu í leiknum, en Wallace sýndi og sannaði að hann væri ennþá frábær leikmaður, en hann skilaði 13 stigum, 2 fráköstum og góðri vörn á Howard af bekknum.

Boston tvídekkuðu Howard ekki í leiknum en þegar hann nálgaðist körfuna var brotið, þar sem hann er afar slök vítaskytta. Howard skoraði einungis 13 stig og tók 12 fráköst í leiknum.

Hjá Boston var Ray Allen stigahæstur með 25 stig, auk þess sem hann tók 7 fráköst en hjá Orlando var Vince Carter stigahæstur með 23 stig.

Stigaskor Magic:

Carter: 23
Nelson: 20
Howard: 13
Redick: 9
Lewis: 6
Gortat: 6
Williams: 5
Pietrus: 4
Barnes: 2

Stigaskor Celtics:

Allen: 25
Pierce: 22
Wallace: 13
Garnett: 8
Davis: 6
Allen: 6
Perkins: 4 

Celtics komnir í úrslit austursins - búnir að sanna sig sem frábært lið

Það verða því Boston Celtics sem munu takast á við Orlando Magic í úrslitum austurdeildarinnar þetta árið.

Þeir unnu Cleveland Cavaliers í nótt, 94-85, á heimavelli sínum en serían fór 2-4 fyrir Boston.

Kevin Garnett var frábær í leiknum með 22 stig og 12 fráköst, en Rajon Rondo skoraði 21 stig og gaf 12 stoðsendingar. Ray Allen var ekki að finna sig í nótt þar sem hann skoraði aðeins 8 stig, en var með 0/5 í þristum.

Paul Pierce skoraði 13 stig og tók 5 fráköst og svo var það baráttujaxlinn Tony Allen sem kom inn af bekknum með 10 stig, en hann fær verðskuldaðan leiktíma hjá Doc Rivers.

LeBron James skilaði sínu í liði Cavs, en hann skoraði 27 stig, tók 19 fráköst og gaf 10 stoðsendingar. Hann og Mo Williams voru einu sem gerðu gagn hjá Cavaliers en Williams skoraði 22 stig og tók 7 fráköst.

 

Boston slátruðu Cavs - komnir í þægilega stöðu

Boston Celtics komu, sáu og sigruðu í nótt þegar þeir gersamlega slógu Cleveland Cavaliers út af laginu með 88-120 sigri.

Með sigrinum eru Boston komnir í þægilega stöðu í einvígi liðanna, eða 2-3, og eiga svo heimaleik á morgun þar sem þeir geta klárað seríuna, eða að Cleveland nái að gera oddaleik úr seríunni.

Þetta er stærsta tap Cleveland í úrslitakeppninni frá upphafi, og LeBron James hefur einungis þrisvar sinnum skorað minna í úrslitakeppni, en hann var með 15 stig í nótt.

Ray Allen skoraði 25 stig, og þar á meðal setti hann sex þriggja stiga skot, Paul Pierce átti manaðan leik með 21 stig, 11 fráköst og 7 stoðsendingar og Rajon Rondo skoraði 16 stig og gaf 7 stoðsendingar.

Lakers, Suns og Magic komin áfram

Los Angeles Lakers, Phoenix Suns og Orlando Magic eru öll komin í úrslit sínum megin í úrslitakeppninni í NBA-körfuboltanum. Öll unnu þau seríu sína 4-0 (Lakers unnu Jazz, Suns unnu Spurs og Magic unnu Atlanta).

Þá er aðeins ein sería eftir í undanúrslitum Austurdeildarinnar, en ljóst er að Lakers og Suns munu mætast í úrslitum Vestursins. Cleveland Cavalers eru nú jafnir Boston Celtics, 2-2, en næsti leikur í þeirri seríu fer fram í kvöld klukkan 00:00 að íslenskum tíma.

Lakers og Magic komnir í 3-0

Tveir leikir fóru fram í nótt, Atlanta Hawks gegn Orlando Magic, sem fór 75-105 fyrir Orlando, og Utah Jazz gegn LA Lakers, sem fór 110-111 fyrir Lakers.

Dwight Howard skoraði 21 stig og tók 16 fráköst, en fimm leikmenn Magic skoruðu 10 stig eða meira, Howard, Rashard Lewis (22), Nelson (14), Pietrus (13) og Barnes (11).

Derek Fisher var hetja LA Lakers í leik þeirra gegn Utah Jazz, en hann fékk opið skot þegar 28 sekúndur voru eftir og skoraði þriggja stiga körfu, og hún reyndist ráða úrslitum. Nú eru þeir þeir í þægilegri stöðu, 3-0.