Lakers og Magic komnir í 3-0

Tveir leikir fóru fram í nótt, Atlanta Hawks gegn Orlando Magic, sem fór 75-105 fyrir Orlando, og Utah Jazz gegn LA Lakers, sem fór 110-111 fyrir Lakers.

Dwight Howard skoraði 21 stig og tók 16 fráköst, en fimm leikmenn Magic skoruðu 10 stig eða meira, Howard, Rashard Lewis (22), Nelson (14), Pietrus (13) og Barnes (11).

Derek Fisher var hetja LA Lakers í leik þeirra gegn Utah Jazz, en hann fékk opið skot þegar 28 sekúndur voru eftir og skoraði þriggja stiga körfu, og hún reyndist ráða úrslitum. Nú eru þeir þeir í þægilegri stöðu, 3-0.

Lið ársins

Valnefnd íþróttafréttamanna hefur kjörið lið ársins í NBA. LeBron James og Dwight Howard fengu langflestu atkvæðin, og voru nánast fyrirfram komnir í liðið.

 

Lið eitt:

Dwight Howard
Kevin Durant
LeBron James
Kobe Bryant
Dwyane Wade

Lið tvö:

Amare Stoudemire
Dirk Nowitzki
Carmelo Anthony
Deron Williams
Steve Nash

Lið þrjú:

Andrew Bogut
Tim Duncan
Pau Gasol
Brandon Roy
Joe Johnson

Superman leiddi Magic til sigurs - komnir 2-0 yfir

Dwight Hward skoraði 29 stig og reif 17 fráköst í nótt þegar Orlando Magic tóku 2-0 forystu í einvígi þeirra gegn Atlanta Hawks, en leikurinn fór 112-98fyrir Magic.

Fjórir leikmenn hjá Magic skoruðu 20 stig eða meira, en það voru þeir Howard, Vince Carter (24 stig), Rashard Lewis (20 stig) og Jameer Nelson (20 stig).

Mike Bibby fann sig engan veginn í leiknum en hann skoraði 3 stig og gaf eina stoðsendingu á 13 mínútum.

Al Horford var stigahæstur hjá Hawks með 24 stig, auk þess sem hann tók 10 fráköst. Jamal Crawford kom næstur á eftir honum með 24 stig, 4 fráköst og 4 stoðsendingar.

Varnarlið ársins

Þjálfarar NBA-deildarinnar eru búnir að velja varnarlið ársins.

Sá sem hlaut mesta fjölda atkvæða var Dwight Howard, sem kemur ekki á óvart. Rajon Rondo kom svo næstur á eftir honum.

Kobe Bryant, sem valinn var í ár, hefur verið í liðinu síðustu fimm árin, sem er mikill heiður fyrir leikmanninn.

 

 

Svona er liðið:

Dwight Howard - Orlando Magic
Gerald Wallace - Charlotte Bobcats
LeBron James - Cleveland Cavaliers
Kobe Bryant - Los Angeles Lakers
Rajon Rondo - Boston Celtics

Lið númer tvö:

Anderson Varejo - Cleveland Cavaliers
Tim Duncan - San Antonio Spurs
Josh Smith - Atlanta Hawks
Thabo Sefolosha - Oklahoma City Thunder
Dwyane Wade - Miami Heat

Orlando unnu Atlanta

Það þarf ekki að fara mörgum orðum um þennan leik þar sem Magic gjörsamlega skúruðu gólfið með döprum Atlanta-mönnum sem, svo maður grípi í gamla tuggu, sáu aldrei til sólar í Orlando.

 

Leikurinn kláraðist í örðum og þriðja leikhluta og það er nær öruggt að ef Dwight Howard heldur sér fjarri villuvandræðum og Hawks hysja ekki upp um sig, verður þetta önnur auðveld viðureign fyrir Orlando.

 

www.karfan.is

Lakers fóru létt með Jazz

Kobe Bryant og félagar í Lakers lentu í vandræðum með Jazz í fyrsta leiknum, en voru með annan leikinn í hendi sér nær allan tímann. Þeir nýttu sér gríðarlegan mismun undir körfunum þar sem Pau Gasol, Andrew Bynum og Lamar Odom gengu berserksgang og hirtu fráköst, skoruðu auðveldar körfur í sókninni og vörðu haug af skotum í vörninni.

 

Þrátt fyrir það var sóknarleikur Lakers ekki upp á það besta og Paul Millsap hélt Jazz einnig á floti lengi vel með frábærri frammistöðu.

 

Mehmet Okur og Andrei Kirilenko eru fjarverandi vegna meiðsla og hefðu sannarlega getað gert gæfumuninn í þessu einvígi, en ef Lakers halda uppteknum hætti verður erfitt fyrir Jazz að standa í vegi þeirra.

 

www.karfan.is

Wallace með 17 - Celtics jöfnuðu metin

LeBron James tók í nótt við titlinum sem besti leikmaður NBA-deildarinnar annað árið í röð, en skoraði aðeins 24 stig í tapi Cleveland Cavaliers fyrir Boston Celtics, 86-104.

Rasheed Wallace skoraði 17 stig á einungis 18 mínútum, en Rajon Rondo, bakvörður Celtics, átti ótrúlegan leik með 4 fráköst, 13 stig og 19 stoðsendingar!

Anderson Varejo átti fínan leik af bekknum með 8 stig og 7 fráköst, en stigahæstur hjá Cavaliers var LeBron James með 24 stig, sem fyrr segir, en hann átti ekkert of góðan leik þar sem hann tapaði fimm boltum og brenndi af átta skotum af fimmtán.

Atlanta unnu oddaleikinn - Kobe kláraði Jazz

Svo er víst að Atlanta Hawks mæta Orlando Magic í annarri umferð úrslitakeppni NBA, en þeir unnu Milwaukee Bucks nokkuð örugglega í oddaleik liðanna í gær, 95-74.

Jamal Crawford skoraði 22 stig og gaf 6 stoðsendingar í leiknum, en Al Horford átti stórkostlegan leik með 16 stig, 15 fráköst og 4 stoðsendingar.

Brandon Jennings og Ersan Ilyasova voru bestir í liði Bucks, en Jennings skoraði 15 stig og gaf 5 stoðsendingar og Ilyasova skoraði 13 stig og reif 11 fráköst. 

 

Kobe Bryant skoraði  31 stig og gaf 4 stoðsedingar í sigri Los Angeles Lakers á Utah Jazz, 104-99, en Lakers eru nú komnir 1-0 yfir í seríu liðanna.

Pau Gasol átti einnig góðan leik með 25 stig og 12 fráköst en bekkur Lakers stóð sig mjög vel, 22 stig og 15 fráköst frá honum.

LeBron skoraði 35 stig - Cavaliers komnir í 1-0

Cleveland Cavaliers tóku á móti Boston Celtics í fyrsta leik annarrar umferðar úrslitakeppni NBA. Þeir unnu leikinn með átta stigum, 101-93.

LeBron James, framherji Cleveland, skoraði 35 stig, tók 7 fráköst og gaf 7 stoðsendingar, en hjá Boston var Rajon Rondo langbestur, en hann skoraði 27 stig, gaf 12 stoðsendingar og reif 6 fráköst.

Serían stendur sem sagt í 1-0 fyrir Cavaliers, en næsti leikur liðanna er á morgun klukkan 00:00 að íslenskum tíma. Tveir leikir fara fram í kvöld, Atlanta Hawks-Milwaukee Bucks (oddaleikur) sem fer fram klukkan 17:00 að íslenskum tíma og LA Lakers-Utah Jazz (fyrsti leikur í annarri umferð) sem er sýndur á Stöð 2 Sport klukkan 19:30.

LeBron James er verðmætasti leikmaður í NBA-deildinni

Eins og flestir áttu von á var LeBron James valinn besti leikmaður NBA-deildarinnar (MVP) annað árið í röð.

Hann var með 27,8 stig, 7,0 fráköst og 7,0 stoðsendingar að meðaltali í leik á liðnu tímabili, og í úrslitakeppninni er hann búinn að vera með hörku tölur, 31,8 stig, 9,2 fráköst og 8,2 stoðsendingar í leik.