Bonner handleggsbrotinn

Miðherji San Antonio Spurs, Matt Bonner, mun ekki leika með liðinu næstu vikurnar, en hann brotnaði á hægri handlegg í nótt, gegn Indiana Pacers.

Ekki er vitað hvenær Bonner snýr aftur til leiks, en læknar Spurs munu skoða málið á morgun, að sögn heimasíðu www.nba.com.

Bonner skoraði 7 stig og tók 2 fráköst í nótt á einungis tæpum fimm mínútum. Spurs unnu með einu stigi, 100-99, á AT&T Center.

Mikill missir fyrir Spurs þarna á ferð, en Bonner er með 8,4 stig og 4,5 fráköst, sem komið er alla vega.

Úrslit næturinnar - Duncan kláraði Pacers

San Antonio Spurs unnu Indiana Pacers með einu stigi á AT&TCenter. Tim Duncan tróð í andlitið á Roy Hibbert þegar 4,9 sekúndur voru eftir, eða svo, og kom Spurs yfir með stigi. Þá átti T.J. Ford erfitt þriggja stiga skot, en það geigaði, og Spurs unnu með einu stigi, 100-99.

Magic 92 - 83 Blazers
Bobcats 102 - 110 Jazz
Sixers 107 - Clippers 112
Bulls 101 - 98 Hawks
Nets 84 - 103 Lakers
Rockets 95 - 90 Thunder
Bucks 95 - 96 Kings
Spurs 100 - 99 Pacers
Suns 121 - 95 Wizards

Carl Landry tannbrotinn

Framherji Houston Rockets, Carl Landry, tannbrotnaði í leik gegn Dallas Mavericks í nótt, en hann lenti í samstuði við Þjóðverjann Dirk Nowitzki.

Landry missti fimm tennur, en Nowitzki keyrði að körfunni, dúndraði olnboganum óvart í munn Landry og hann tannbrotnaði. Meðal annars festust tvær tennur Landry í olnboga Nowitzki, en Nowitzki og Landry yfirgáfu báðir leikinn.

Landry skoraði einungis 2 stig í leiknum, en hann spilaði bara 6 og hálfa mínútu í honum. Hann er með 16,0 stig og 5,9 fráköst að meðaltali í leik á tímabilinu.

Úrslit næturinnar

Raptors 118 - 95 Nets
Hawks 96 - 83 Jazz
Celtics 97 - 98 Sixers
Cavs 85 - 82 Bucks
Grizzlies 107 - 94 Pacers
Wolves 112 - 96 Kings
Hornets 98 - 92 Nuggets
Knicks 95 - 91 Clippers
Thunder 109 - 98 Pistons
Mavs 108 - 116 Rockets
Warriors 109 - 118 Wizards