Byron Scott tekur við Cavs - nær hann að lokka James til sín?

Fyrrum þjálfari New Orleans Hornets, Byron Scott, hefur tekið við Cleveland Cavaliers.

Hann verður eftirmaður Mike Brown og gildir samningurinn næstu þrjú árin en Brown stýrði liðinu í fimm ár, var með besta árangurinn í deildinni tvisvar (síðustu tvö tímabil) og komst einu sinni í úrslitin (2007-töpuðu gegn SA Spurs).

Scott var valinn þjálfari ársins árið 2008 en þá leiddi hann þá lentu þeir í öðru sæti Vestursins og hann kom þeim í aðra umferð í úrslitakeppninni en þar töpuðu þeir gegn Spurs 3-4 eftir að hafa komist 2-0 yfir.

Einnig hefur hann þjálfað New Jersey Nets og leiddi þá til úrslita tvö ár í röð (02 og 03).

En spurningin er hvort Scott nái að lokka LeBron James aftur til liðsins en hann segist vera spenntur fyrir starfinu hvort sem LeBron verður eða ekki.

Markaðurinn opinn

Einn stærsti markaður í sögu NBA er nú hafinn en leikmenn á borð við LeBron James, Dwyane Wade, Chris Bosh og Amaré Stoudemire eru lausir undan samningum sínum.

En þetta er ekki einungis sumarið þeirra, því David Lee, Al Jefferson, Richard Jefferson, Ray Allen, Raymond Felton og fleiri er samningslausir í sumar, svo mikið er um að velja.

Rivers áfram með Celtics - Pierce segir upp

Þjálfari Boston Cletics, Doc Rivers, verður áfram þjálfari liðsins næsta tímabil.

Rivers, sem er 48 ára gamall, hefur unnið einn titil með Celtics, 2008 og leiddi liðið í úrslit NBA en tapaði naumt gegn Los Angeles Lakers í úrslitunum í sumar.

Aftur á móti er framherjinn Paul Pierce búinn að segja upp samningi sínum hjá Celtics en líklegt er að hann geri nýjan og stærri samning.

Stoudemire og Jefferson segja upp samningum

Amaré Stoudemire hefur sagt upp samningi sínum hjá Phenix Suns en hann átti eitt ár eftir samningnum þar sem hann mátti ráða með síðasta árið.

Stoudemire var með 23,1 stig og 8,9 fráköst að meðaltali í leik á nýliðnu tímabili.

Auk þess hefur Richard Jefferson sagt upp síðasta ári sínu en honum var skipt til San Antonio Spurs í fyrra sumar til þess að styrkja sóknarleik þeirra en stóðst engan veginn væntingar og er kominn á markaðinn.

Hann skoraði 9,4 stig og tók 5,3 fráköst í leik með Spurs á tímabilinu.

Wolves setja miðið á Gay

Stjörnuframherji Memphis Grizzlies, Rudy Gay, er laus undan samningi í sumar og Minnesota Timberwolves eru á höttunum á eftir leikmanninum.

Timberwolves voru orðaðir við Gay á síðasta ári en þá var um að ræða leikmannaskipti, Ricky Rubio fyrir Gay, sem er frekar ólíklegt að Grizzlies taki, því Rubio hefur enga reynslu af NBA og enginn veit hvernig hann mun standa sig.

Gay skoraði 19,6 stig og tók 5,9 fráköst að meðaltali í leik á tímabilinu en hann hefur tekið rosalegum framförum síðan hann hóf NBA-feril sinn árið 2006.

Rasheed hættur - Iverson mættur

 

Leikmaður Boston Celtics, Rasheed Wallace, er formlega hættur í NBA eftir 15 tímabil á nokkuð skemmtilegum ferli.

Wallace vann einn titil með Detroit Pistons og allt benti til þess að hann myndi vinna annan nú fyrir stuttu með Celtics en tapaði í oddaleik gegn LA Lakers.

 

Allen Iverson hefur hafist handa við æfingar og ætlar að gera aðra tilraun til að komast í gömul spor, þ.e.a.s. að verða stórstjarna.

Iverson byrjaði með Memphis Grizzlies á liðnu tímabili en skipti yfir í Philadelphia 76ers þar sem hann tilkynnti undir lok tímabils að hann ætlaði að leggja skóna á hilluna.

Nýliðaval NBA: Leikmannaskipti

 

Nokkur leikmannaskipti hafa verið í kringum nýliðaval NBA og hér að neðan koma þau:

Washington Wizards skiptu Lazar Hayward og Nemanja Bjelica til Minnesota Timberwolves og fengu í staðinn Trevor Booker (23. valrétt) og Hamady Ndiaye.

Indiana Pacers skiptu Ryan Reid og reiðufé til Oklahoma Thunder fyrir Magnum Rolle.

LA Clippers fengu Eric Bledsoe frá Oklahoma Thunder fyrir valrétt í fyrstu umferðinni á næstu árum.

Oklahoma Thunder fengu Latavious Williams frá Miami Heat fyrir valrétt í annarri umferð í framtíðinni.

Toronto Raptors sendu valrétt í annarri umferð í framtíðinni til Dallas Mavs og fengu í staðinn Solomon Alabi.

Portland Trail Blazers sendu Martell Webster til Minnesota Timberwolves og fengu Luke Babbitt og reiðufé í staðinn.

Dallas Mavs fengu Dominique Jones frá Memphis fyrir óuppgefna upphæð af reiðufé.

Atlanta fá reiðufé frá Oklahoma Thunder  og Jordan Crawford frá New Jersey Nets, senda Damion James til Nets og Thunder fá Tibor Pleiss frá Nets.

Daequan Cook og Eric Bledsoe sendir frá Miami Heat til Oklahoma Thunder og Heat fá í staðinn Dexter Pittman.

Chicago Bulls sendu Kirk Hinrich og 17. valrétt (Kevin Seraphin) og fengu í staðinn 30. valrétt (Lazar Hayward).

Nýliðaval NBA: Wall valinn fyrstur

Nýliðaval NBA-deildarinnar fór fram í gærkvöldi og eins og ætlast var til var John Wall valinn fyrstur af Washington Wizards.

Annan valrétt áttu Philadelphia 76ers og tóku þeir skotbakvörðinn Evan Turner sem kemur frá Ohio State-háskólanum.

New Jersey Nets áttu þriðja valrétt og tóku 210 cm háa kraftframherjann, Derrick Favors, sem aðeins hafði spilað eitt ár í háskóla með Georgia Tech-skólanum.

Minnesota Timberwolves tóku Wes Johnson með fjórða valrétt en Johnson kemur frá Syracuse og er 201 cm hár framherji og verður 23 ára í júlí.

DeMarcus Cousins var valinn fimmti af Sacramento Kings en hann tvítugur miðherji frá University of Kentuky og er 212 cm á hæð.

Fyrstu 14 völin:

1		Washington	John Wall
2		Philadelphia	Evan Turner
3		New Jersey	Derrick Favors
4		Minnesota	Wesley Johnson
5		Sacramento	DeMarcus Cousins
6		Golden St.	Ekpe Udoh
7		Detroit	Greg Monroe
8		LA Clippers	Al-Farouq Aminu
9		Utah	Gordon Hayward
10		Indiana	Paul George
11		New Orleans	Cole Aldrich
12		Memphis	Xavier Henry
13		Toronto	Ed Davis
14		Houston	Patrick Patterson

Valið í heild sinni: NBAdraft - NBA.com

Nýliðavalið í kvöld: Spá um fyrstu fjórtán

Nýliðaval NBA fer fram í kvöld og hefst klukkan 11:00 að íslenskum tíma.

Hér er spá um fyrstu fjórtán völin:

1		Washington	John Wall
2		Philadelphia	Evan Turner
3		New Jersey	Derrick Favors
4		Minnesota	Wesley Johnson
5		Sacramento	DeMarcus Cousins
6		Golden St.	Al-Farouq Aminu
7		Detroit	Greg Monroe
8		LA Clippers	Luke Babbitt
9		Utah	Ed Davis
10		Indiana	Ekpe Udoh
11		New Orleans	Paul George
12		Memphis	Patrick Patterson
13		Toronto	Cole Aldrich
14		Houston	Gordon Hayward

Hér geturðu séð valið í beinni útsendingu.

Dalembert til Kings - Bucks fengu Maggette

Samuel Dalembert mun spila fyrir Sacramento Kings á komandi tímabili en honum var skipt þangað fyrir Spencer Hawes og Andres Nocioni.

Nocioni gæti verið mikill fengur fyrir Sixers en hann mun líklega koma inn á fyrir Thaddeus Young í framherjanum og þá gæti hann sett einhverja þrista þar sem Young er ekki mikil skytta.

Corey Maggette hefur verið skipt til Milwaukee Bucks fyrir Charlie Bell og Dan Gadzuric.

Maggette skoraði 19,8 stig og tók 5,3 fráköst að meðaltali í leik á liðnu tímabili með Golden State Warriors á nýliðnu tímabili en Bell og Gadzuric skoruðu 9,3 stig í leik til samans svo ekki mikið að fá fyrir Warriors, þó þetta sé nú aðallega  upp á launaþakið.