Tvífarar: Brook Lopez og Craig Gordon

Allir tvífarar...

Ilievski hættur hjá KFÍ

Borce Ilievski er frábær þjálfari

KFÍ, Körfuknattleiksfélag Ísafjarðar, munu ekki hafa Borce Ilievski sem þjálfara að ári, en þeir unnu fyrstu deildina með vinningstölunni 16/2 og munu því spila í úrvalsdeild að ári.

KFÍ skiptir um þjálfara

Úrslit næturinnar - Carmelo með 45 stig í tapi Nuggets

Houston Rockets unnu Denver Nuggets í nótt, 125-123, þar sem Carmelo Anthony skoraði 45 stig og reif niður 10 fráköst. Í liði Rockets var Aaron Brooks með 31 stig og 9 stoðsendingar.

Leikurinn var nokkuð jafn allan tímann, en stærsti munurinn var 16 stig (Houston). Louis Scola skoraði jöfnunarkörfu leiksins þegar um hálf mínúta var eftir (123-123) og tók síðan frákast eftir sveifluskot hjá Nene Hilario sem geigaði, gaf á Aaron Brooks og hann fékk tvo skot (1/2).

Los Angeles Lakers unnu enn einn spennusigurinn á Golden State Wrriors, en nú fór leikurinn 121-124.

Steph Curry skoraði 29 stig, gaf 9 stoðsendingar og tók 5 fráköst, en hann var með 5 af 9 í þriggja stiga skotum. Kobe Bryant skoraði 29 stig, en auk þess tapaði hann 9 boltum.

Philadelphia 84 New York 94

Boston 119 Detroit 93

Houston 125 Denver 123

Utah 112 Washington 89

Golden State 121 LA Lakers 124

LA Clippers 100 New Orleans 108

Fyndin nöfn úr NBA

Hér er hægt að sjá nokkur fyndin nöfn á leikmönnum úr NBA-deildinni.

O'Neal sendur í sturtu eftir viðskipti við Sammy D

Jermaine O'Neal var sendur í sturtu í leik Philadelphia 76ers og Miami Heat í nótt fyrir að slá í andlit Samuel Dalembert í miðjum þriðja leikhluta.

O'Neal var búinn að fá sína fyrstu tæknivillu og var því rekinn út, en Dalembert fékk sína fyrstu með þessum viðskiptum og hélt því áfram.

Rétt fyrir átökin hafði Dalembert potað í auga O'Neal, en þá líklega óvart. Eftir eitt leikhlé hófst "slagurinn" þar sem aðilarnir hlupu upp völlinn og beittu brögðum sínum bæði í einu. Villa var dæmd og O'Neal varð pirraður og tók í andlit Dalembert, og þannig kvaddi hann leikinn.

Úrslit næturinnar

Cleveland Cavs unnu Boston Celtics í nótt.

 

Indiana 94 Milwaukee 98

Boston 93 Cleveland 104

Philadelphia 91 Miami 104

Charlotte 96 Orlando 89

Utah 111 Oklahoma City 119

Toronto 98 Portland 109

New Orleans 106 Phoenix 120

Minnesota 100 Sacramento 114

 

Stig: Dwyane Wade (MIA) með 38 stig.
Fráköst: Dwight Howard (ORL) með 16 fráköst.
Stoðsendingar: Deron Williams (UTA) með 14 stoðsendingar.

Hughes kominn á samning - Fær hann að spila hjá Bobcats?

Charlotte Bobcats sömdu í gær við skotbakvörðinn Larry Hughes, en honum hefur gengið erfiðlega að fá að spila undanfarið.

Honum var skipt með Ben Wallace til Chicago Bulls tímabilið 2007-08, þaðan til New York Knicks í fyrra, núna rétt fyrir lokun á skiptaglugganum til Sacramento Kings, og síðan semur hann við Charlotte.

Já, síðustu ár hafa verið erfið hjá honum, en hann á svo sem alveg að þekkja það að flytja.

Þess má geta að Gerald Wallace, stjarna liðsins, er meiddur og ekki er búist við honum á næstu dögum, svo Hughes gæti komið í stöðu hans og gert góða hluti, þó svo að hann hafi ekkert verið að "brillera" að undanförnu.

Úrslit næturinnar

Detroit 99 Atlanta 112

Orlando 109 Washington 95

Denver 125 Memphis 108

New York 128 Dallas 94

New Jersey 108 Houston 116

LA Clippers 88 San Antonio 118

Toronto 112 Golden State 124

Mögnuð flautukarfa Jarvis kom ÍR í úrslitakeppnina

Söguhornið: Earvin "Magic" Johnson

Earvin Magic Johnson var valinn fyrstur í nýliðavalinu árið 1979 af Los Angeles Lakers.

Hann var í Michigan State-skólanum í tvö tímabil, og eins og fyrr segir var hann síðan valinn númer 1.

Nýliðatímabil hans, 1979-80, skoraði hann 18,0 stig gaf 7,3 stoðsendingar og tók 7,7 fráköst að meðaltali í leik.

Earvin var yfir 2 metrar og var bakvörður sem er mjög óvenjulegt. Flestir menn yfir 2 metrar á hæð eru framherjar eða miðherjar.

Johnson var og er einn besti körfuboltamaður allra tíma, eins og allir vita en þurfti að draga sig í hlé frá körfuboltanum aðeins þrítugur eða svo vegna HIV-verunnar. Hann ætlaði að byrja aftur að leika einu ári síðar, en hætti við eftir undirbúningstímabilið.