Markaðurinn: Helstu fréttir

• Joe Johnson hefur gert nýjan 6 ára samning við Atlanta Hawks og fær 119 milljónir dala á þeim tíma en umboðsmaður hans staðfesti það í dag.
• Rudy Gay mun líklega snúa aftur til Memphis Grizzlies að ári en Grizzlies buðu honum fimm ára samning upp á 80 milljónir dollara.
• Drew Gooden hefur samið við Milwaukee Bucks til fimm ára og mun fá 32 milljónir dala á þeim tíma en hann hefur spilað fyrir átta lið á níu ára ferli sínum og eru Bucks það tíunda.
• Darko Milicic hefur gert nýjan samning upp á fjórar milljónir dollara við Minnesota Timberwolves og mun verða þar næstu fjögur ár ef honum verður ekki skipt.
• Framherjinn Amir Johnson mun leika með Toronto Raptors næstu fimm árin og mun fá 32 milljónir dala á þeim tíma en hann lék með Raptors á síðasta tímabili.
• Utah Jazz hafa samið við skotbakvörðinn Gordon Hayward en hann var valinn níundi í nýliðavali NBA fyrr í sumar.

Dirk áfram með Mavs

Dirk Nowitzki mun gera nýjan fjögurra ára samning á næstu dögum en hann hefur þegið 80 milljóna dala samning að sögn fjölmiðla sem er launalækkun.

Nowitzki hefur spilað allan sinn feril með Dallas Mavericks en var valinn af Milwaukee í nýliðavalinu árið 1998.

Bulls? Nets? Knicks? Hvert fer hann?

Eins og kom fram á síðunni fyrr í dag er búið að opna fyrir markaðinn í NBA-deildinni og strax hafa fullt af liðum rætt við kónginn LeBron James.

James er á teikniborðinu hjá flest öllum liðum deildarinnar og þar á meðal þessum á myndinni hér að ofan en hann er stranglega orðaður við þau lið.

New York Knicks eru með mesta plássið undan launaþakinu eða rúmar 34 milljónir dala og á eftir þeim koma Bulls en svona er taflan yfir þau fimm lið sem mest geta boðið:

Sæti	Lið	Pláss (í dölum)
1.	Knicks	$34,528,223
2.	Bulls	$29,933,796
3.	Nets	$28,634,603
4.	Heat	$27,365,632
5.	Clippers	$16,155,311

Eins og þið sjáið hér að ofan geta Kniicks boðið James mestan pening og eru þar með líklegastir peningalega séð þó Bulls og Nets séu einnig mjög líklegir til þess að fá hann peningalega séð og frá öðrum hliðum séð.

Markaðurinn opinn

Einn stærsti markaður í sögu NBA er nú hafinn en leikmenn á borð við LeBron James, Dwyane Wade, Chris Bosh og Amaré Stoudemire eru lausir undan samningum sínum.

En þetta er ekki einungis sumarið þeirra, því David Lee, Al Jefferson, Richard Jefferson, Ray Allen, Raymond Felton og fleiri er samningslausir í sumar, svo mikið er um að velja.

Rivers áfram með Celtics - Pierce segir upp

Þjálfari Boston Cletics, Doc Rivers, verður áfram þjálfari liðsins næsta tímabil.

Rivers, sem er 48 ára gamall, hefur unnið einn titil með Celtics, 2008 og leiddi liðið í úrslit NBA en tapaði naumt gegn Los Angeles Lakers í úrslitunum í sumar.

Aftur á móti er framherjinn Paul Pierce búinn að segja upp samningi sínum hjá Celtics en líklegt er að hann geri nýjan og stærri samning.

Stoudemire og Jefferson segja upp samningum

Amaré Stoudemire hefur sagt upp samningi sínum hjá Phenix Suns en hann átti eitt ár eftir samningnum þar sem hann mátti ráða með síðasta árið.

Stoudemire var með 23,1 stig og 8,9 fráköst að meðaltali í leik á nýliðnu tímabili.

Auk þess hefur Richard Jefferson sagt upp síðasta ári sínu en honum var skipt til San Antonio Spurs í fyrra sumar til þess að styrkja sóknarleik þeirra en stóðst engan veginn væntingar og er kominn á markaðinn.

Hann skoraði 9,4 stig og tók 5,3 fráköst í leik með Spurs á tímabilinu.

Jianlian til Wizards

New Jersey Nets sendu í gær framherjann Yi Jianliian til Washington Wizards og fengu fyrir hann Quinton Ross sem var með 1,8 stig og 0,9 fráköst að meðaltali í leik á tímabilinu með Dallas Mavs og Wizards.

Nets losa sig þar við þó nokkurn pening úr launaþakinu og geta boðið samningslausum leikmönnum 30 milljónir dala í laun.

Yi skoraði 12,0 stig iiog tók 7,2 fráköst að meðaltali í leik á nýliðnu tímabili.

Wolves setja miðið á Gay

Stjörnuframherji Memphis Grizzlies, Rudy Gay, er laus undan samningi í sumar og Minnesota Timberwolves eru á höttunum á eftir leikmanninum.

Timberwolves voru orðaðir við Gay á síðasta ári en þá var um að ræða leikmannaskipti, Ricky Rubio fyrir Gay, sem er frekar ólíklegt að Grizzlies taki, því Rubio hefur enga reynslu af NBA og enginn veit hvernig hann mun standa sig.

Gay skoraði 19,6 stig og tók 5,9 fráköst að meðaltali í leik á tímabilinu en hann hefur tekið rosalegum framförum síðan hann hóf NBA-feril sinn árið 2006.

Jordan rekinn frá Sixers

Eddie Jordan var í dag rekinn úr þjálfarastóli Philadelphia 76ers eftir eitt ár, sem einkenndist umfram allt af vonbrigðum.

 

Jordan tók við Sixers eftir að hann var rekinn frá Washington Wizards, og átti að hrista saman leikmannahópinn sem samanstóð af nokkrum efnilegum leikmönnum í bland við reyndari kappa sem höfðu ekki sýnt hvað í þeim bjó, og stjörnunar Andre Iguodala og Elton Brand.

 

Skemmst frá að segja stóð ekki steinn yfir steini hjá liðinu þar sem leikskipulag og innáskiptingar Jordans fóru í taugarnar á leikmönnum, forsvarsmönnum liðsins og ekki síst stuðningsmönnunum. Sixers höfðu farið tvö ár í röð inn í úrslitakeppnina en voru hvergi nærri því í ár þar sem þeir unnu aðeins 27 leiki.

 

Jordan og framkvæmdastjórinn Ed Stefanski tóku áhættuna á að fá gömlu hetjuna Allen Iverson til liðs við sig, en þrátt fyrir að Iverson hafi verið óvenju stöðugur andlega framan af dvölinni slitnaði upp út samstarfi þeirra.

 

„Það sem ég hélt að myndi gerast varð ekki að raunveruleika, ég tók ranga ákvörðun,“ sagði Stefanski um ráðningu Jordans, sem fær greiddar út þær $6 milljónir sem eftir eru á þriggja ára samningi.

 

Stefanski neitar því þó að nú þurfi að huga að uppbyggingu.

 

„Við þurfum ekki að byrja upp á nýtt. Við tókum bara skref afturábak,“ sagði hann, en játaði þó að einhverjar hræringar yrðu gerðar á leikmannahópnum.

 

Orðrómur var uppi í vetur um að Sixers væru að bjóða Iguodala í skiptum, en ekkert varð úr því, en hann gæti hugsanlega verið á leið frá félaginu í sumar.

 

Annar þjálfari sem var talinn ansi valtur í sessi er John Kuester hjá Detroit Pistons, en liðið er utan úrslitakeppninnar í fyrsta sinn síðan árið 2001. Þeir unnu aðeins 27 leiki, líkt og Sixers, og er það versti árangur liðsins frá árinu 1993-94.

 

Forseti Pistons, Joe Dumars, sagði tvímælalaust að Kuester yrði með liðið á næsta ári og kenndi meiðslavandræðum um slælegt gengi í ár. Richard Hamilton, Tayshaun Prince og Ben Gordon voru á meðal þeirra sem voru langtímum frá keppni.

 

Þá er framhaldið hjá Doc Rivers, þjálfara Boston Celtics, í óvissu, en hann mun taka ákvörðun um framhald feril síns í lok leiktíðar.

Frétt tekin af www.karfan.is.

Coby Karl og Brian Butch til Nuggets

Bakvörðurinn Coby Karl og miðherjinn Brian Butch sömdu við Denver Nuggets í gær. Karl ætti að þekkja ágætlega til Nuggets, þar sem hann spilaði fyrir þá í sumardeildinni, og svo er pabbi hans, George Karl, þjálfari liðsins.

Butch spilaði fyrir Bakersfield Jam í "D-league", eða B-deild NBA. Þar skoraði hann 17,7 stig og reif 11,9 fráköst að meðaltali í leik. Hann spilaði svo með Wisconsin-skólanum í háskólabolta.

Karl hefur komið vel á óvart í vetur, en hann hefur verið á svolitlu flakki. Hjá Cleveland Cavaliers, þar sem hann byrjaði leiktíðina, skoraði hann 0,0 stig að meðaltali í þremur leikjum. Hjá Golden State Warriors skoraði hann 7,0 stig, 3,8 stoðsendingar 4,0 fráköst að meðaltali í fjórum leikjum.

Tímabilið 2007-08 skoraði hann 1,8 stig að meðaltali í leik fyrir Los Angeles Lakers, en hann spilaði einnig fyrir þá í fyrra, þó hann hafi aðeins setið á bekknum.