Vinny Del Negro tekur við LA Clippers

Vinny Del Negro verður næsti þjálfari Los Angeles Clippers en Del Negro hefur þjálfað Chicago Bulls og náði ágætis árangri með það lið.

Clippers hafa ekki staðið sig vel síðustu ár en þeir áttu fína rispu á þessu tímabili þar sem þeir unnu meðal annars Boston Celtics.

Del Negro vann 82 leiki með Bulls á þessum tveimur árum og tapaði 82 sem er mjög fínt á fyrstu tveimur árunum sem þjálfari en hann kom Bulls í úrsliitakeppnina í bæði skiptin en tapaði í oddaleik gegn Celtics í fyrra skiptið og svo gegn Cleveland Cavs.

Amaré til Knicks - snýr aftur til D'Antoni

Amaré Stoudemire gerði fyrr í dag fimm ára samning upp á 100 milljónir dala við New York Knicks en Stoudemire hefur spilað með Phoenix Suns öll átta tímabilin sem hann hefur leikið í NBA-deildinni.

Stoudemire mun nú leika fyrir sinn gamla þjálfara, Mike D'Antoni, sem hefur stjórnað Knicks síðustu tvö tímabilin.

Stoudemire skoraði 23,1 stig og reif 8,9 fráköst að meðaltali í leik á liðnu tímabili og komst í stjörnulið Vesturisins í febrúar síðastliðinn.

Ef Stoudemire nær sér á strik með Knicks, þeir ná sér í góðan bakvörð (þá gætu þeir skipt Tracy McGrady fyrir Kirk Hinrich ef það passar undir launaþaki) geta þeir vel verið í toppbaráttunni í Austrinu.

Pierce heldur áfram með Celtics

Framherji Boston Celtics, Paul Pierce, hefur ákveðið að halda áfram með liðinu næstu fjögur árin en hann gerði samning upp á 61 milljón dala í gær.

Pierce hefur unnið einn titil á tólf ára ferli með Celtics en þann titil vann hann árið 2008. Celtics komust svo í úrslit fyrr í sumar þar sem þeir töpuðu í oddaleik gegn LA Lakers.

Markaðurinn: Helstu fréttir

• Joe Johnson hefur gert nýjan 6 ára samning við Atlanta Hawks og fær 119 milljónir dala á þeim tíma en umboðsmaður hans staðfesti það í dag.
• Rudy Gay mun líklega snúa aftur til Memphis Grizzlies að ári en Grizzlies buðu honum fimm ára samning upp á 80 milljónir dollara.
• Drew Gooden hefur samið við Milwaukee Bucks til fimm ára og mun fá 32 milljónir dala á þeim tíma en hann hefur spilað fyrir átta lið á níu ára ferli sínum og eru Bucks það tíunda.
• Darko Milicic hefur gert nýjan samning upp á fjórar milljónir dollara við Minnesota Timberwolves og mun verða þar næstu fjögur ár ef honum verður ekki skipt.
• Framherjinn Amir Johnson mun leika með Toronto Raptors næstu fimm árin og mun fá 32 milljónir dala á þeim tíma en hann lék með Raptors á síðasta tímabili.
• Utah Jazz hafa samið við skotbakvörðinn Gordon Hayward en hann var valinn níundi í nýliðavali NBA fyrr í sumar.

Dirk áfram með Mavs

Dirk Nowitzki mun gera nýjan fjögurra ára samning á næstu dögum en hann hefur þegið 80 milljóna dala samning að sögn fjölmiðla sem er launalækkun.

Nowitzki hefur spilað allan sinn feril með Dallas Mavericks en var valinn af Milwaukee í nýliðavalinu árið 1998.

Bulls? Nets? Knicks? Hvert fer hann?

Eins og kom fram á síðunni fyrr í dag er búið að opna fyrir markaðinn í NBA-deildinni og strax hafa fullt af liðum rætt við kónginn LeBron James.

James er á teikniborðinu hjá flest öllum liðum deildarinnar og þar á meðal þessum á myndinni hér að ofan en hann er stranglega orðaður við þau lið.

New York Knicks eru með mesta plássið undan launaþakinu eða rúmar 34 milljónir dala og á eftir þeim koma Bulls en svona er taflan yfir þau fimm lið sem mest geta boðið:

Sæti	Lið	Pláss (í dölum)
1.	Knicks	$34,528,223
2.	Bulls	$29,933,796
3.	Nets	$28,634,603
4.	Heat	$27,365,632
5.	Clippers	$16,155,311

Eins og þið sjáið hér að ofan geta Kniicks boðið James mestan pening og eru þar með líklegastir peningalega séð þó Bulls og Nets séu einnig mjög líklegir til þess að fá hann peningalega séð og frá öðrum hliðum séð.

Byron Scott tekur við Cavs - nær hann að lokka James til sín?

Fyrrum þjálfari New Orleans Hornets, Byron Scott, hefur tekið við Cleveland Cavaliers.

Hann verður eftirmaður Mike Brown og gildir samningurinn næstu þrjú árin en Brown stýrði liðinu í fimm ár, var með besta árangurinn í deildinni tvisvar (síðustu tvö tímabil) og komst einu sinni í úrslitin (2007-töpuðu gegn SA Spurs).

Scott var valinn þjálfari ársins árið 2008 en þá leiddi hann þá lentu þeir í öðru sæti Vestursins og hann kom þeim í aðra umferð í úrslitakeppninni en þar töpuðu þeir gegn Spurs 3-4 eftir að hafa komist 2-0 yfir.

Einnig hefur hann þjálfað New Jersey Nets og leiddi þá til úrslita tvö ár í röð (02 og 03).

En spurningin er hvort Scott nái að lokka LeBron James aftur til liðsins en hann segist vera spenntur fyrir starfinu hvort sem LeBron verður eða ekki.

Markaðurinn opinn

Einn stærsti markaður í sögu NBA er nú hafinn en leikmenn á borð við LeBron James, Dwyane Wade, Chris Bosh og Amaré Stoudemire eru lausir undan samningum sínum.

En þetta er ekki einungis sumarið þeirra, því David Lee, Al Jefferson, Richard Jefferson, Ray Allen, Raymond Felton og fleiri er samningslausir í sumar, svo mikið er um að velja.

Rivers áfram með Celtics - Pierce segir upp

Þjálfari Boston Cletics, Doc Rivers, verður áfram þjálfari liðsins næsta tímabil.

Rivers, sem er 48 ára gamall, hefur unnið einn titil með Celtics, 2008 og leiddi liðið í úrslit NBA en tapaði naumt gegn Los Angeles Lakers í úrslitunum í sumar.

Aftur á móti er framherjinn Paul Pierce búinn að segja upp samningi sínum hjá Celtics en líklegt er að hann geri nýjan og stærri samning.

Stoudemire og Jefferson segja upp samningum

Amaré Stoudemire hefur sagt upp samningi sínum hjá Phenix Suns en hann átti eitt ár eftir samningnum þar sem hann mátti ráða með síðasta árið.

Stoudemire var með 23,1 stig og 8,9 fráköst að meðaltali í leik á nýliðnu tímabili.

Auk þess hefur Richard Jefferson sagt upp síðasta ári sínu en honum var skipt til San Antonio Spurs í fyrra sumar til þess að styrkja sóknarleik þeirra en stóðst engan veginn væntingar og er kominn á markaðinn.

Hann skoraði 9,4 stig og tók 5,3 fráköst í leik með Spurs á tímabilinu.