Arroyo aftur í NBA

Carlos Arroyo hefur snúið aftur í NBA eftir eins árs vist hjá ísraelska liðinu Maccabi Tel Aviv, en þar var hann með 15,3 stig og 5,8 stoðsendingar að meðaltali í leik.

Arroyo hefur átt ágætis feril í NBA, en hann skoraði 12,6 stig og gaf 5,0 stoðsendingar að meðaltali í leik á tímabilinu 2003-04 þar sem hann var byrjunarliðsbakvörður Utah Jazz.

Síðast þegar hann spilaði í NBA var hann með Flórída-liðinu Orlando Magic, en hefur hann komist að samkomulagi við Miami Heat til eins árs, en Heat eru einnig í Flórída. Hann kemur til með að koma inn á fyrir Mario Chalmers í bakverðinum meðan Chris Quinn er meiddur.